dhasaL

purattaasi mhadaa senmEr avdiyadhiis nhanna pillalug gushi avdai. kongo kongo ghommo dhasaL hindho, elle ghEr ikka kaas dhEn, kolle ghommo joman chokkad rhaai meni thenga thenga singaidhun sengaadi vaththo kelli khobbo rhaa dhuvaaththo hOi meni rhakkan. solabaar rhii bedka pillalug bolli kudumbam kudumbamgan phool ghalli naam thaileyo thambe khalli  govindAkshayam gOvindhaa , venkatramaNaa gOvindhaa ,gOvindhaa gOvindhaa meni viith viith kanU jii, ghErnu sommar hibbili thandhu mavan dhasal ghalariya thenu. dhEriyaththenu melli gOvindhaa gOvindhaa meni mellEth sonthOshkan haath bhOr thiinvaal thandhu ghalan. ikka modhuralinkan rhiyadhikaai iso jii mavaththahaal gheruv unno podai, thannadakkam avai meni isaa vatkEn aski hodhiraaiki kaaiki. ghommaanum jii thandhu mavathOlus pillalug dhuvaaththa dhasalug dhadduduvo meni bovththan.

mii nhanna rhadho avre sendhum kolle kolle ghommo khaaththa chokkad rhaai, kaas kOn jukku dhEn meni kalaai. chokkad pongal, guLLeyo meni ghalariya ghommo jii khaidhi, kaas vEn dheriyathEt jii naavuk khaidhi dhamuvE leguththaa ghommo. anga siyeththikkaamus kaas kin phUl dhiidan. ikka kaas cheres meni movji siidhi leguththaa vaar kOt jaaththe meni mudiv kelduvE :) pillalnu ghEr ghErug dhamaraan :)

pillalnug morgEth dhii thenga bhovi, bisadi paan ghali, bhudith, polte bhajji, kachchanaa bela dhaal, biins ambat, nUkkal avunti, pilchaar, pasem, appudaal meni thadapudal khaan rhaai dhuvaththaa dhasalu joman. havdan jaanaaththo naalpEn potti, kadhambam, kaas dhEn. chokkad khaidhi kaas khalli sompukan avE :)

onte senmEr aingher dhasal, onta senmEr mousin ghEr meni sonthOshkan dhinnu jaai illa mhadaam. viilta dhii solabaar dhii perumaal dhowraag jaaththE. mhoda perumaaL, sriinivaasa perumaaL, thirumOhUr dhowraanum aski chokkad mUga rhaai.

mii cAlEj chowdhaththavEl morE singaidhunug aski bhovi dhasal ghalEs. aththa avra babun thenga singaindhunug bovi ghalaraas.

US-m avraaththenu singaidhun askithengo bovi chokkad dhasal keraraas. ami jaaththavElus thandhu khalli jEduve. eT avi melli dhasal kerariyOs jukku sonthOsh.

bhagavath namamu mellEth jano
bhakthi hOsuru thumi thandhu ani ghalno

govindhaa namamu mellEth jano
govindhaa govindhaa meni thandhu ani ghalno...


padamun: Vishvesh Obla

babu paan sodriyo...

kaai kOnkii bel thavaraas. kOn meni ruvvo savogaa.

elle ghentaag kOn?

avO bei. pottal hoonum avraasi. biththar avO.

kaai, brOkar bei ees avriyo.

avO bei. kaai dhi bedki paan avrasyaa?

thuro ghommaa vangi suvaikkailo avunti vasuna thukkaras vegO. dhisiin paan sE. thungo kolle oppaaras meni sanguvO. novri siidhi avduvaai. kaai menasun?

ruvvo rhavo. chullo mavlidhi avdus.

bedki kerin jugu ivar pusEs, bei.

kaai ivar kaLana menA?

babu office address, ikko haadhum sombuLo avai, sondhamkan ghEr sEyaa? isaa kELvinUs dhaa.

ango bedki oppayadh ami aski ivar dheves. elle bedki kaai chovdhirththE?

bedki B.Sc computer science chovdhiris.

singhaar rhaai yaa?

bheli chOt rhaai. thurE babu sommar gorOs.

bedki jaath gorO rhanO bei. angO singhaar kan, anthuskan seththE bedkiis paje.

sari dhaa, thella maadhiri grai ontE sE. saasun yaa?

ghEr naav kaaya bei.

phorungidi kerin yaa?

nii dhaa. thirichchi keraan.

bei, ikkavaal thunga sangaththE. madurai grai ontEs anuva.

madhure bedkin maai baappun jukku edhir saaras dhaa. thelle sangeth thunga raag avaras. thega kuchchis mii dhusura gaam bedkinug siyangen meni menarththE.

avre babu-g kaai unnO bei. TCS-m kaam keraras, haath bhOr sombula khadaras. konni pirachnai nii. angun ruvvo dhIm america, landan meni jaai. ega minchi kaai pajE mena?

dhaa, thumi menariya maadhiris thenu melli menariya nhaya. bedkaag soththu meni ontE onte ghErus sE. bedkig aththengud horaad kerna sE. baab retired. thegO sombulO edhir sii rhaan sonsE meni.

bedki kerinug vEn hoyyiras aththA kalamu.

thura maai-k horat keraththOl thumi mhelli isOs nha dhaa saan?

eT saa bei, vEn vaththa kernaaththo chokkat grai senkhaadi aav.

dherO bei, kaapy pevO.

hunnaya nokkO bei, kaaidhi shillaya rhiyeth dhevO.

kaai hoon hantharas.

sari, madurai grai paan abbe hollaadhu avus. vEsug rubaai dhevO dhaa.

kaai bei, paan konni annaaththagus kaas ontE khalli jedaraas.  dheruvO.

avus bei, dha.

kaai vaththa keththaris baa elle ammakko. onte paan ani dhekkadaththa vaat nhii.

sodo vego. hadhdhu bedkin chovdhi thega thaye novra paje meni chovdhathavELUs sengaadi chovdhariyathega horaad kelludaras. ruvvo bedkin aide bedkaan paskalo dhami jEdaraas. chokkat bedkin abbaththe keshtamus. ami pavun, phalaar meni saanaththa chokkat gunnu, menkEn pottEt seththE bedkik mudiv kerangen. kaai menasun?

mii onte kaam kerus. avariyo aidhaar, jaathaga parivarththanai madurai-m chalariya meni pyrailaal babu facebukkum thairaas. babu paan lEjji sii savus. 

dEvu maai, morE bedag chokkad paan avna baa.

ami porutkaatchigu jaariyo

baa, khobbo porutkaatchig bolli jaanjaariyO?

aththOnnaa thinnaaL musiriyo. jiyengEn jiyengEn.

modhi bei,  kaNNan dhadho melli avus menriyo. cheri jiyeth chokkat lagai naa baa?

harmam keththigi yeno. noi noi keri jiiv hettai aththo. chUrum bolli jeeli avduvo.

kago, thU avaniyaa?

ii kaai vaththo? ganeshkin ramesh melli rhakkilEth sEththe. avariyo senmAr dhi jeeli avdengen. thellaadhu poLtam huttan. thelle kaamun sanahoyyaai.

pillal sommar thogo jana meni aastho avdraai sOnse. vEi vEi jiili avdengen. ada, aso avdarasi J

serkOs! dhadho, bhavi jOl melli pusthus. thenu ami jaaththavEl sangi meni hodheiyo. phOn keri sangudhus.

  

dhaa, ami porutkaatchi jaariyo.

ambaa ami jaariyayaa? khobbo?

sondho jiili avdiyango. sonthOshunaa?

rEi, kaarthik, ami sondho porutkaatchi jaariyo.

rEi thelle mhotto chendragadaam hingi. chOt lavai.

dhadho bhavi pillalnu avdaraas. nigiLengen yaa?

kaai, redi baa askithenu? maai Ed aav, mhottabaa haath dhellE.

mhottabaa, ikka dhivaan thairaas nhayaa? mogo porutkaatchi meneth jukku oppai.

thogo kollE oppayani raa? maai kaai khaai, aththo?

baa, mogo mhotto appudaal paje, panju mhiddaai, ais criim, thellaadhu mhotta pUri kin torinO khadi dhEn yaa?

khadi dhEnaa jiyeth thU gOs soddai yaa? aav aav.

mooga vEn sE. geLariya aski bodhdhuramkan siiluvO.

rEi ganEsh ‘OPS’ chIf ministar menedhi mhelli makkaL mudhalvar pOsterus naa vEn sE?

‘OPS’ onte dammi raa.

ambaa pOkkuvaraththu thuRai meni thairiyeth thEt ami jiili aves.

dhaa, mii melli avus.

modhi maai ruvva thoo siilEbaa inga aski thenga.

serkOsmba, avo avo askithenu.

haiyaa, kutti kutti trainkin bassun jaaras bei. chOt sE J

bei aduththu ami askithenu taaj mahaal sommar phOto dhelliyenghen yaa?

jaa maai, khobba saa taaj mahaalus yaa? dhusurE kaaidhI novvagan rhiyedh thellE sommar hibbi dhelliyenghEn.

‘saar, neenga pOgum pOdhu phOto vaangittu pOyidalaam.’

rei, et saa, rajini, kamal, ajith, vijay cutavut aski sE. amitaab melli sE J

ambaa thavnat vikkaras eT…

sari sari chaal, modhi maai. jii siyenghEn. kOse thura bO kin mhottabhO? dhee thenu thengaappaadu vaththakellEdh kotkii jEdraas. isOs, cheri avaththa vatkEs nii.

rEi babunrE thumi kOt jaariyo? askithenu cheri avo.

kaai maai khattis yaa? ikka menaraas?

disain chokkat novvagan sE amba. kaas ruvva vEnus.

‘thambi vilai konjam kuraichchu sonnaaththaana vaanga mudiyum?’

‘pudhu disain mEdam, edunga edunga. vera edhaavadhu venumaa?’

elle maai kuchchi kaduvaai. chokkat sE.

vEi ambaa, gaint whiil-um mooga vEn avdaras.

sari sari, niguLuvO. maai senghaadi kOn cup and saasar ride-m jaaththo?

bhO jaan. thumi siiluvO. bei avo ami illamaam jiyenghEn.

kOnadhii ii pillalnu elle chandragadaam hingariya kii. siyedhiis dhoskho chuttu firas mogo.

haai vego, nhanno vossu. konni kalariya nhii.

ami elle jamaanu angidin jii siyenghEn yaa?

mii konni khadnaa baa. kaas dheNdu hOs vEi. ena asa asa keri thendhula keri dhekkattas. ami keri siyeth konni veLu avunga avi thukkani. chI jaa meni laidas. thU paina khaLLe. mii avi vedi savus.

ambaa panju mittaai panju  mittai.

kaaiyii maai-g ruvvO bholli jii khadi dhevagaa…

chOt layas ambaa, dhoskhO chuttu fhirEs saa! modhi bei vaandhi avaraiya maadhiri sE meni dhakkilEth  riis. ontE vedigus jaa.

elaa, sEnu ghaan avudiyO. kosE maai? karadi, puli, singam sana menai naa?

pUri kaai bissa kaai mhoda thavaraas!

vEn thikkE sE ille kachchanaa ambat.

Marana kiNaru thumi avi seeravaai amba. dabadaba keri sUparkan hodhes.

mei kaai, chokkat ‘rides-m’ jeeli avdiyaa. kiith thaiya maangaa, panju mittai, thigar theNdaa, ais criim, pUri meni khaidhiyaa. thirupthi-nnaa?

mogo thellE mhotta balUn paje bha.

ena vonte, ikke vaal kii magai kii? aththanna thinnaaLum khadi fhodiththe?

jaaththavEl havdangan phOto khalli jana baa.

liiv mujjaariyo. poLtam huttanjaariyo. ozhungugan chovdhaththo vaat savo.

kaga baa, jaaligan radho poltam havdan avadariyo?

vOdaajhaat thinnaal

rEi baabu, mousigu phOn keri poosi. ikka gheNtaag niguLaththE meni? aski thenu mishan aaspaththiri bas stOp-m dhekkulengan meni sangudhE.

ambaa, mousi thore sengaadi vaththo kenno menaa.

babun dhI thenu sommar jii niido seththa thaam siigin bedshiit thayi rhAndho. ami aski thayaar kelli savgaaskan javaaai. kaai menasu?

thelle melli serkOs bei. thisanIs kerththiyEngen. ramEshukkin, ganEshuk dhattudengEn.

ikka ghentaag thumi askithenu bas stOp-g avan ?

nOvnhadhdhug thEt avi cherO. serkkOsyaa?

hOndho bei. mii phalar keri musattirththE. chatnin ontEs kenno. current jaaththalOlaam thelle kaam musattuno. thoo melli havdankan aski anthE.

babunrE, chaar bedshIt khaLLi jhaadu khallo chokkat needa sEththE thaam sI thai thovobhaa. ami nigiLi avduvEs.

serkOs ambaa. thumi askithenu churUm auduvO.

vOv maai, vEi baa, angun singaLLi musaraniyaa??? ghento hoiyaaras saa. mousin, aingherambo, mamaan aski rhakkharaan.

avO bhava…

kaai maai thayaar kellaththamaam ghento hoiyiraai sOnsE?

haai vegO. ElA bassu audaras. pidibONin aski boththuram. movjilidiyaa naa?

kELupaan chokkat guvnuLduvo. nhI jiyeth fhattiyaai.

letchumii, mii askithenga tikat kattus.

rhaa bei, yenu askithengo khattan.

‘yEmmaa, yaaraavadhu oruththar sIkkiram tikat vaangungammaa. evvaLavu nEram thaan eduththuppeenga. aNNE rightu rightu, vaNdiya edunga…’

kaai mooga sE baa elle staappum. chOtkaam ami thEdus hingildiyaa J hindhO ruvvO hoon unno lagaras. isO rheediyeth chokkat lagai.

maai, sekkaru thambE thorE jOlus naa seththE?

haai amba. boththuramkan sE. kavale potnogo. aththimboor melli more jOl sE.

‘eRangunga eRangunga.…appaadaa enna koottaam annE. puLiyOdharai vaasam amarkkaLamaa irundhadhu. ivanga mattum varushaavarusham kudumbaththOda jaali panraanga. naama namma velaiya paarkkalaam.’

ambaa dhadhaan thEt thaam thai thovraas. more singathi avris. mii jii vaththakerththi avuyaa?

rhaa maai. khaidhi savgaaskan javaai. kOt jEdan. Edus viLukku rhaanjaariya.

aingherambaagu phalaar dhE baa.

bhavaa, thunga kaai chatni sodi dhevu? kaai, thunga chaar phalar fujjaai yaa? avre ambo kenni halvo kelli avraas. ruvvaiyo thovuyaa? maaiyinvO, avO bhaa. askithenu khai musatti vedik siyengan. babunrE thunga alaggO bovnayaa? avO avO.

dhuvaaththo kaaththag kaayo mousi anriyO?

ambat bhaath, sEmiyaa, dhaim pongal, loshtO. muRukku, phuRi, jilEbi aski thelle paiyum sEbaa.

haiyaa!!! mogo voppaiya aski anRaas. sonthOsh mousi. 

baa, mogo thU ais crIm khadi dhevus menriyO.

thogo nheeththayayaa? aski kadi dhevus.

aingherambaa, sekkaru thambe Et sE. elle sekkar thambe dhEv kuchchi yaa?

haai maai, dhEv choddo vesham thaili phoolu dhandim jaariya hindhO. pujE keththuvaai.

kago choddo vesham, aingherambaa?

rhaaN vaad jaariya nheyaa? thega haalthIs.

chiththa thinnaal

avrathenu ukkaambu, theRku maasi veedhi, manjanakkaara theru meni ammaa dhEv avariya veedhunum hodhE haaldi gi kaaiki chiththa thinnaal menedhIs jukku sonthOshkan lagaththE.

viyaar dhI dhEv avariyo saaththo moogaanu kotkOtkii rii aski avi rhakki seedhi jaan.

‘damdam’ keri dhundaa sedhdhu aigaiyath fijjai pillalnug kushi avdai. aisthu, ottagam aski alankaar keLLi mudhullO avai. nhanna nhanna dhEvun thellaadhu. amma niththE okkO vaaganaam dhinnu ontE alankaarum avai, ayyo-gin ammo cheri paskala avan. dhivaan, alankaar sengaadi jega jOthigan rhaai saaththo.

avre ainghEr ukkaambu police station sendhum hodheyo. ami mukkur hibbi sIdhi, ainghEr jEduvE. pillalnu mhidaai maiyi rodarhaan, balloon maiyi rodarhaan. okka pillalnu mhidai khailEth jeev lovvO sE yA meni silEth jaarhaan. AppiL balUn, fuvanin khaLLi sonthOSkan jaariyo moogaanu saaththagus thikka chOt rhaai.

ammaa leyin thendhUs dhavraa jaaria mooga jhukku rhaai. ammaan novva thorim bottu thaili veeLtaa avariyo foolu dhandi saaththo niguLdan. vassuno foolun alankaarum ammaa phoolu dhandi saaththo dhivyam kan rhaai.

dhusurandhi solobhaar mhoda reththun maasi veedhunum avariyo saaththo mooga dhobbaa dhobbini kelli saan. hara hara mahaadevaa meni mooga bhakthi paravasamkan dhevug paayim podan.

aththO ingudu thinnaal mujja. halgerappan nigili avi thego edhirsEvo keraththa menkAn mummaavadi, aNNA nagar meni niguLdan.

ghodaa vaaganamum nedhdhim solObaar huththuraththavEl sekkar thambE khaLLi aththimboor bhovri dhevu see paaim potti avaththEs mhotta vishEsh! moNdabunum pongal ghalan. khaidhigin Osi vijana, Osi KAlender khalli ais kreem, sarbath, jigartheNdaa, panju mhidAi meni vikkariya khaLLi ghommo avi cheran menken. chilthariya hoonum pillalu boLLi kudumbam vaagur jaaththEs vishEsh.

ontavaal dhevug siyeth funnA okka menkaanug. aNNA nagar ji saan. boNdoorum raadhi rhI dhessu avaththaar gushaalkan sIdhi avan.

kadaisi, halgerappan ghaamu fhiri jaaththovEl, Odaajhaat thiNNaalug redi hoyyaan avre thenu. thendhUs special bus mission hospital bus stop rhI sodan. mooga mooga kan avre menkaan solObaar rhI niguLdan. viLukku rii khaaththo phalaar, chutni, sambaar, dhuvaathaa kuchchi ambat baath, guLLaiyo, dhaim bhaath, limbu pongal meni thenga thenga oppayayo sengaadi moda moda pidibOni sengaadi niguLdan. pillalnug jAllygan lagai. chokkat noRukku thIni abbai meni. khaLLE rhavai dhinnu pooraa. mundhadi jhaadun jukku hodheyo. jhaadun khallo bisi rhaaththo chokkat lagai. aththO jhaadun unno podi kattidamun vEn hoyyiras.

theen chaar ghento sOn choddaa vesham thaili dhEv dhaNdim avai. askithenu chokkat paayimpotti dhEvug ghaamu dhaddidee niguLdan. avaththo vaadum chitraa exhibition audriyo siye pillalnu choorum thelled bolli jaa meni thengo amban bOn jOl sangarhaan.

pillalnu leevum avariyo haalthi elle thinnaaL vEn vishEsh!!!